45 मिनिटांचा प्रवास 15 मिनिटांत; मराठवाडा-खान्देश थेट कनेक्ट होणार, गेमचेंजर प्लॅन काय?

‎छत्रपती संभाजीनगर : मराठवाडा आणि खान्देश यांना जोडणाऱ्या प्रवासात आजवरचा सर्वात मोठा अडथळा ठरलेला कन्नड–औट्रम घाट लवकरच इतिहासजमा होण्याच्या मार्गावर आहे. सोलापूर–धुळे राष्ट्रीय महामार्गावर प्रस्तावित बोगदा प्रकल्प निर्णायक टप्प्यात पोहोचला असून प्रत्यक्ष कामाला गती आली आहे. सध्या धोकादायक वळणांमुळे लागणारा 45 मिनिटांहून अधिक वेळ बोगदा पूर्ण झाल्यानंतर अवघ्या 10 ते 15 मिनिटांत पार करता येणार आहे.