संभाजीनगरमधील IT पार्कमध्ये 200 पोलिसांचा छापा, सेंटरमध्ये घुसताच जे पाहिलं... पोलिसांच्या पायाखालची जमीन हादरली, 27 तास छापेमारी!

संभाजीनगरमध्ये एका कॉल 5 सेंटरमधून थेट अमेरिकेतील नागरिकांना गंडा घातला जात होता. सरकारी अधिकारी असल्याची बतावणी करून अमेरिकन नागरिकांकडून ई-कॉमर्स कंपन्यांचे व्हाऊचर खरेदीच्या माध्यमातून फसवणूक केली जात होती. यातून एका दिवसात 50 लाखांहून अधिक रक्कम उकळली जात असल्याची प्राथमिक माहिती आहे. दरम्यान, 27 तास चाललेल्या या कारवाईत 114 आरोपींना अटक करण्यात आली आहे.

या प्रकरणातील तीन आरोपी पसार आहेत, माहिती डीसीपी प्रशांत स्वामी भाविक यांनी दिली. भावेश प्रकाश चौधरी पटेल, सतीश लाडे, वलय व्यास, अब्दुल फारुक मुकदम शहा ही अटकेतील मुख्य आरोपींची नावे आहेत. त्यांच्याकडून 7 कोटीपेक्षा अधिक किमतीचे 119 लॅपटॉप, मोबाइल जप्त केले आहेत.

कॉल सेंटरमधून एका कर्मचाऱ्याला काही दिवसांपूर्वी कामावरून काढले होते. या रागातून त्याने पोलिसांना टीप दिली. पीआय गीता वागवडे आणि त्यांच्या टीमने या सेंटरवर पाळत ठेवत या रॅकेटची खातरजमा केली. माहिती जमा केल्यानंतर बागवडे आणि त्यांच्या टीमने सोमवारी रात्री छापा टाकून या रॅकेटचा पर्दाफाश केला. आतमध्ये घुसण्यासाठी विरोध करण्यात आला होता. त्यानंतर पोलिसांनी कंपाउंड वॉलवरून उडी मारत आतमध्ये प्रवेश केला.

संभाजीनगरच्या सेंटरमधील सर्व व्यक्ती अमेरिकेच्या जॉन या व्यक्तीसाठी काम करत होते. जॉन स्वत:ला 45 टक्के रक्कम घ्यायचा. तर इतर पार्टनरला जॉन 55 टक्के रक्कम वाटून टाकत असे. पोलिसांना या सेंटरवर अनेकदा संशय होता. पोलिसांनी आता कायदेशीर कारवाईला सुरूवात केली असून जॉनला देखील कारवाईची शक्यता आहे.