मराठवाड्यातील सानिकाचा दुबईत डंका, स्पून शेअर अ‍ॅपसाठी जिंकला खास पुरस्कार, Video

सानिका चव्हाण आणि तिचे सहकारी शुभम पिटेकर, दोघेही देवगिरी इन्स्टिट्यूट ऑफ इंजिनिअरिंग अँड मॅनेजमेंट स्टडीज येथे शिक्षण घेत आहेत. त्यांनी विकसित केलेले स्पून शेअर हे अ‍ॅप अन्न वाया जाण्याच्या समस्येवर तंत्रज्ञानाधारित उपाय सुचवते. हॉटेल, समारंभ किंवा घरांमध्ये उरलेले अन्न अ‍ॅपवर नोंदविल्यानंतर ते रिअल-टाइममध्ये जवळच्या गरजू व्यक्ती किंवा संस्थांपर्यंत पोहोचवले जाते. त्यामुळे अन्ननासाडी कमी होते आणि गरजूंपर्यंत मदतीचा हात वेळेत पोहोचतो.