उन्हाळी सुट्टीत होऊदे दिल्ली दौरा, नांदेड-संभाजीनगरातून थेट ट्रेन, पाहा थांबे अन् वेळापत्रक

नांदेड ते दिल्ली (क्रमांक 07621) ही साप्ताहिक विशेष रेल्वे 11 एप्रिल ते 30 मे या कालावधीत दर शनिवारी धावेल. ही गाडी नांदेड येथून सकाळी 8.45 वाजता सुटेल. 11 वाजून 40 मिनिटांनी छत्रपती संभाजीनगरमध्ये येईल आणि 10 मिनिटांनी पुन्हा प्रस्थान करेल. दुसऱ्या दिवशी दुपारी 2.00 वाजता हजरत निजामुद्दीन येथे पोहोचेल. या गाडीच्या 11, 18, 25 एप्रिल आणि 2, 9, 16, 23 व 30 मे रोजी एकूण 8 फेऱ्या चालवण्यात येतील.

या विशेष साप्ताहिक गाडीचे आरक्षण 5 एप्रिल रोजी सकाळी 8 वाजता सुरू होईल. तसेच ही गाडी दोन्ही दिशांनी प्रवास करताना पूर्णा, परभणी, सेलू, परतूर, जालना, छत्रपती संभाजीनगर, मनमाड, जळगाव, भुसावळ, खंडवा, इटारसी, भोपाळ, बीना, झाशी, ग्वाल्हेर, आग्रा कँट आणि मथुरा या स्थानकांवर थांबेल.