लेकीने विजय शिवतारेंना दिलं नवजीवन, जावई शिवदीप लांडेंची मन हेलावणारी प्रतिक्रिया, म्हणाले...

शिवसेना शिंदे गटाचे आमदार विजय शिवतारे मागील काही वर्षांपासून किडनी विकाराने ग्रस्त होते. त्यांच्या दोन्ही किडन्या निकामी झाल्या होत्या. त्यामुळे त्यांना सातत्याने डायलिसीस करावं लागत होतं. दिवसेंदिवस त्यांचा हा त्रास वाढतच जात होता. मात्र आता सोमवारी शिवतारे यांच्यावर किडनी प्रत्यारोपणाची यशस्वी शस्त्रक्रिया करण्यात आली. त्यांची मुलगी डॉ. ममता शिवतारे यांनीच त्यांना किडनी दान करत नवं आयुष्य दिलं आहे. राजकीय नेत्याच्या मुलीनं अशाप्रकारे किडनी दान केल्यानं सर्वत्र त्यांचं कौतुक होत आहे.