Vadhavan Port: मुंबई ते वाढवण प्रवास होणार सुसाट, वांद्रे-वर्सोवा सी लिंकबाबत देवेंद्र फडणवीसांनी दिली मोठी अपडेट

मुंबई: मुख्यमंत्री देवेंद्र फडणवीस यांनी वाढवण बंदराबाबत एक महत्त्वाची अपडेट दिली आहे. फडणवीस यांनी दिलेल्या माहितीनुसार, वांद्रे-वर्सोवा सी लिंक प्रकल्पाचं सध्या 60 टक्के काम पूर्ण झालं आहे. पुढील दोन वर्षांत तो पूर्ण होईल. यासोबत सी लिंकला दहिसरपर्यंत आणि नंतर भाईंदरपर्यंत वाढवण्याचं काम सुरू आहे. वेस्टर्न एक्सप्रेस वे हा मुंबईतील 60 टक्के वाहतुकीचा भार उचलत आहे. हा भार कमी करण्यासाठी त्याला समांतर मार्ग जोडून सी लिंकपासून भाईंदर - विरारपर्यंत रस्ता तयार होत आहे. विशेष म्हणजे हा रस्ता पुढे पालघरमधील वाढवण बंदरापर्यंत जाणार आहे.