Dhananjay Munde: 'पोलिसांना आडनाव लावता येत नाही', धनंजय मुंडेंच्या वक्तव्याने राजकारण तापलं

अण्णाभाऊ साठे जयंती निमित्त आयोजित करण्यात आलेल्या कार्यक्रमात धनजंय मुंडेंनी महापुरूषांवरूनही वक्तव्य केलं. सर्व जातींनी महापुरूषांची वाटणी केल्याचं दृश्य विदारक असल्याचं मुंडेंनी सांगितलं. शिवरायांनी एका जातीचं नव्हे तर रयतेचं राज्य निर्माण केलं होतं, याकडे त्यांनी लक्ष वेधलं. छत्रपती शिवाजी महाराजांच्या जयंतीला फक्त मराठा समाजाने साजरी करायची का? डॉ. बाबासाहेब आंबेडकरांची जयंती फक्त मागास प्रवर्गातील लोकांनी साजरी करायची का? महात्मा फुले यांची जयंती फक्त माळी समाजाने साजरी करायची का? शिक्षणाची चळवळ महात्मा फुले यांनी सुरू केली म्हणून फक्त माळी समाजातील लोकांनी शिक्षण घ्यायचे का..? भगवान बाबांची जयंती फक्त वंजारी समाजाने साजरी करायची का? असा सवाल उपस्थित केला.