Dhananjay Munde: धनंजय मुंडेंना मंत्रिमंडळातून मिळणार डच्चू? राजकीय हालचालींना वेग

Dhananjay munde News : बीड : केज येथील मस्साजोगचे सरपंच संतोष देशमुख यांचे हत्याप्रकरण चांगलेच तापले आहे. या हत्येचे पडसाद काल विधासभेतही उमटले होते. या प्रकरणी शुक्रवारी विधानसभेत बोलताना मुख्यमंत्री देवेंद्र फडणवीस यांनी संतोष देशमुख हत्या प्रकरणातील आरोपी वाल्मिक कराड याचा सत्ताधारी किंवा विरोधी पक्षातील कोणत्याही राजकीय नेत्याबरोबर संबंध असले तरी त्याचा कुठलाही मुलाहिजा न बाळगता त्याच्यावर मोक्कानुसार कारवाई केली जाईल, असा इशारा दिला होता. या इशाऱ्यानंतर आता मंत्री धनंजय मुंडे यांना मंत्रिमंडळातून डच्चू मिळणार असल्याची चर्चा राजकीय वर्तुळात सुरू झाली. या चर्चेनंतर आज धनंजय मुंडे अजित पवार व नंतर मुख्यमंत्री फडणवीस यांची भेट घेणार असल्याचे बोलले जात आहे.