Advocate Amrita Gadve : अनेक पुरस्कारांनी सन्मानित, मुलींना सक्षम बनवण्यासाठी कार्य करणारी नवदुर्गा, VIDEO

धाराशिव - सध्या नवरात्री सुरू आहे. नवरात्रीच्या निमित्ताने आपण एका महिलेची प्रेरणादायी कहाणी जाणून घेणार आहोत. या महिलेवर अनेक संकटे आली. पण ही महिला न खचता समाजासाठी त्यांनी आपले जीवन वाहून घेतले.

अॅडव्होकेट अमृता गाढवे असे या महिलेचे नाव आहे. त्या धाराशिव जिल्ह्यातील भूम शहरातील रहिवासी आहेत. त्यांनी मुलींना सक्षम बनवण्यासाठी लाठीकाठी प्रशिक्षण सुरू केले. इतकेच नाही तर निर्भया हेल्पलाइन देखील सुरू केली.

समाजासाठी विविध उपक्रम करणाऱ्या अमृता गाढवे यांच्यावर अनेक संकट आली. गेल्या 6 वर्षांपूर्वी त्यांच्या वडिलांचे निधन झाले. त्या एकटा पडल्या. मात्र समाजासाठी काम करण्याची जिद्द त्यांनी सोडली नाही. मुलींसाठी लाठीकाठी प्रशिक्षण, जिजाऊ महिला मंडळ, निर्भया हेल्पलाइन, महिला व मुलींना योग प्रशिक्षण, महिलांसाठी आरोग्य तपासणी शिबिर, कायदेविषयक शिबिर, यासारखे विविध सामाजिक उपक्रम त्या राबवत असतात.