Wedding Crime : मंगलाष्टका सुरू झाली अन् वधू-वर पक्षात तुफान राडा, लग्न मंडपात रक्ताचा सडा; तिघांचा मृत्यू!

Dhule Crime News : लग्न म्हणजे आनंदोस्तव... महाराष्ट्रात मोठ्या थाटामाटात लग्न लावलं जातं. त्यात मानपानाला मोठं महत्त्व असतं. अशातच धुळे जिल्ह्यातील साक्री तालुक्यातून एक सुन्न करणारी घटना समोर आली आहे. पिंपळनेर येथे विवाह सोहळ्यादरम्यान सोशल मीडियावरील एका वादग्रस्त स्टेटसमुळे दोन गटात तुफान हाणामारी झाली. या वादाचे गंभीर परिणाम पहायला मिळाले. रक्तापातात होऊन चाकू हल्ल्यात तिघांचा जागीच मृत्यू झाला, तर तीन जण गंभीर जखमी झाले आहेत. आनंदाच्या वातावरणात असलेल्या लग्न मंडपात रक्ताचा सडा पडल्याने परिसरात एकच खळबळ उडाली असून या घटनेमुळे लग्न सोहळा स्थगित करण्याची दुर्दैवी वेळ आली.