UPSC Exam : 'IAS-IPS' बनण्याचा 'डंकी' रूट, झोल करून 'अधिकारी' होण्याचे 7 मार्ग!

देशातली सर्वात अवघड परीक्षा म्हणून ओळखल्या जाणाऱ्या यूपीएससी परीक्षेत यश मिळवण्यासाठी दरवर्षी लाखो विद्यार्थी प्रयत्नांची पराकाष्ठा करतात. अक्षरश: रक्त आटवतात, पण यातले काही गॅम्बलर कायद्यातल्या पळवाटा शोधून त्याच्याआधारे पोस्ट मिळवण्यासाठी रक्त आटवतात. त्यांच्या पळवाटांच्या त्या मार्गालाही यूपीएससीचा डाँकी रुटच म्हणावं लागेल.

हे डाँकी रुट कुठले आहेत हे जाणून घेण्याआधी आपल्याला वेगवेगळ्या कॅटेगरीतलं कटऑफ समजून घ्यावं लागेल. कारण या कटऑफच्या भोवतीच हा सगळा खेळ सुरु असतो. कटऑफ गाठण्यासाठीच डाँकी रुट निवडला जातो.

EWS कटऑफ - 923

OBC कटऑफ - 919

SC कटऑफ - 890

ST कटऑफ - 891

PwBD 1 - 894

PwBD 2 - 930

PwBD 3 - 756

PwBD 4 - 589

वेगवेगळ्या आरक्षणाचा लाभ घेवून कमी मार्कांचं कटऑफ गाठण्यासाठीच डाँकी रुट निवडला जातो. आता जाणून घेवूया यूपीएससीतले हे डाँकी रुट कुठले आहेत?

दरवर्षी जवळपास 10 लाख विद्यार्थी यूपीएससीची परीक्षा देतात त्यातले साधारण हजारभर पोस्ट मिळवण्यात यशस्वी होतात. यूपीएससीला आयुष्याचं धेय्य मानून सर्वस्व पणाला लावणाऱ्या लाखो विद्यार्थ्यांच्यासोबत कुठल्याही परिस्थितीत कुठल्याही मार्गानं पोस्ट मिळवण्यासाठी प्रयत्न करणारे गँम्बलरही इथं कमी नाहीत. यात अनेकजण यशस्वीही होतात. प्रामाणिक प्रयत्न करणाऱ्यांची संधी मारतात. त्यामुळे कायदे, नियम, अटी आणि व्यवस्थेतल्या पळवाटा शोधून डाँकी मार्गानं घुसखोरी करणार्यांना रोखणं व्यवस्थेसमोरचं मोठं आव्हान आहे. प्रश्न यूपीएससीच्या विश्वासार्हतेचाही आहे.