महापालिका निवडणुकीपूर्वी एकनाथ शिंदे यांचे पाऊल, पुण्यात कट्टर हिंदुत्त्ववादी संघटनेसोबत युती

अभिजीत पोते, प्रतिनिधी, पुणे : पुढच्या दीड-दोन महिन्यावर महापालिका निवडणूक होणार असल्याने प्रत्येक राजकीय पक्षांकडून डावपेचांना सुरुवात झाली आहे. पुण्यात एकनाथ शिंदे यांच्या नेतृत्वाखालील शिवसेना पक्षाची प्रमुख लढत ही विरोधकांसोबतच सत्ताधारी पक्षातील मित्रपक्षांसोबतही असणार आहे. त्यामुळे निवडणुकांतील गणिते जुळवून आणण्यासाठी कट्टर हिंदुत्त्ववादी संघटना अशी ओळख असलेल्या पतित पावन संघटनेशी युती करण्याचे शिंदे यांनी ठरवले आहे.