Eknath Shinde : एकनाथ शिंदे मंत्रिमंडळात नसणार? उदय सामंत यांच्या वक्तव्याने चर्चांना पुन्हा उधाण...

मुंबई :  राज्याच्या विधानसभा निवडणूक निकाल जाहीर झाल्यानंतर आता जवळपास 12 दिवसानंतर महायुतीच्या सरकारचा शपथविधी पार पडणार आहे. निवडणूक निकालानंतर महायुतीमध्ये सत्ता वाटपाचा तिढा सुरू झाला होता. अनेक बैठकांनंतर, पडद्या मागे झालेल्या हालचालींनंतर तिढ्यावर तोडगा निघाला. आता, महायुतीच्या मंत्रिमंडळाकडे सगळ्यांचे लक्ष लागले आहे. या नव्या मंत्रिमंडळात एकनाथ शिंदे असणार का, याची चर्चा सुरू झाली आहे. शिवसेना शिंदे गटाचे नेते उदय सामंत यांच्या वक्तव्याने चर्चांना उधाण आले आहे.