रविंद्र धंगेकर यांची शिवसेनेतून हकालपट्टी होणार, एकनाथ शिंदे मोठा निर्णय घेण्याच्या तयारीत, सूत्रांची माहिती

वैभव सोनवणे, प्रतिनिधी, पुणे : कात्रजमध्ये घायवळ टोळीने केलेला गोळीबार असो की केंद्रीय मंत्री मुरलीधर मोहोळ यांच्यावरील जैन बोर्डिंगच्या जागेशी संबंधित कथित भ्रष्टाचाराचे आरोप... शिवसेना नेते रविंद्र धंगेकर यांनी भाजप नेत्यांना लक्ष्य करीत आपले इरादे स्पष्ट केले. महायुतीतूनच आरोप होत असल्याने भाजप नेतेही त्रस्त झाले. याच पार्श्वभूमीवर पुण्यातील भाजप नेत्यांनी रविंद्र धंगेकर यांची तक्रार थेट मुख्यमंत्री फडणवीस यांच्याकडे केली. त्यानंतर फडणवीस आणि एकनाथ शिंदे यांच्याशी झालेल्या चर्चेतून धंगेकर यांची शिवसेना पक्षातून हकालपट्टी करण्याचा निर्णय घेण्यात आल्याची माहिती विश्वसनीय सूत्रांनी दिली आहे.