Nagpur: एका ताटात खाऊन मोठे झाले अन् बायको, मेव्हण्याच्या मदतीने मोठ्याने लहान भावाला संपवलं, नागपूर हादरलं

सुधीर खंडारे यांची हत्या केल्यानंतर मोठा भाऊ योगेश खंडारे याने अपघाताचा बनाव केला होता.  २ सप्टेंबर रोजी  सुधीर यांचा मृतदेह बाथरूममध्ये रक्ताच्या थारोळ्यात मृत अवस्थेत आढळून आला होता. त्या वेळी कुटुंबीयांनी ‘पाय घसरून मृत्यू’ झाल्याचं पोलिसांना सांगितलं होतं. पोलिसांनी सुधीर यांचा मृतदेह शवविच्छेदनासाठी पाठवला होता.

मात्र, पोस्टमार्टम अहवालाने सर्व खोटेपणा उघड केला. सुधीरच्या डोक्यावर झालेल्या जबर मारामुळे मृत्यू झाल्याचं स्पष्ट होताच पोलिसांनी गुन्हा दाखल केला. तब्बल १३ दिवसांनी सत्य बाहेर आलं आणि आरोपी मोठा भाऊ योगेश खंडारे, त्याची पत्नी रुपा आणि भाऊ राजेश खंडारे यांना अटक करण्यात आली. या प्रकरणात सुधीरची आई आणि एका अल्पवयीनालाही आरोपी करण्यात आलं आहे.  कुटुंबीयांकडूनच घडलेली ही निर्दयी हत्या उघड होताच परिसरात एकच खळबळ उडाली आहे. या घटनेचा पोलीस आणखी तपास करत आहे.