Beed: बीडमध्ये राष्ट्रवादी शरद पवार गटाच्या नेत्यावर प्राणघातक हल्ला, इनोव्हा फोडली, घटनास्थळाचा VIDEO

राम खाडे यांना उपचारासाठी रुग्णालयात उपचारासाठी दाखल केलं असून उपचार सुरू आहे. घटनास्थळावर हल्ला झाला त्या ठिकाणी राम खाडे यांच्याकडून गोळीबारही करण्यात आल्याची प्राथमिक माहिती आहे. राम खाडे यांच्याकडे स्व संरक्षणासाठी परवानाधारक शस्त्र आहे. या शस्त्रातून त्यांनी गोळीबार केल्याचं वृत्त आहे.

दरम्यान, या हल्ल्याबद्दल राष्ट्रवादी युवकचे प्रदेशाध्यक्ष महबूब शेख यांनी एक फेसबुकवर पोस्ट करून माहिती दिली. बीडचे नामांकित सामाजिक कार्यकर्ते रामभाऊ खाडे यांच्यावर काही वेळापूर्वी अहमदनगर जिल्ह्यातील मंदाली गावातील एका हॉटेलजवळ अनोळखी व्यक्तींनी जीवघेणा हल्ला केला आहे. रामभाऊ खाडे हे गेल्या अनेक वर्षांपासून भाजप नेत्यांच्या भ्रष्टाचार आणि घोटाळ्यांचे पर्दाफाश करत आहेत. त्यामुळे घोटाळे उघड करणाऱ्या व्यक्तीवर हा हल्ला ठरवूनच करण्यात आला असावा, असा गंभीर संशय व्यक्त केला जात आहे. यापूर्वी न्यायालयाने त्यांना पोलीस सुरक्षा दिली होती, मात्र गृह विभागाने कोणाच्या सांगण्यावरून त्यांची सुरक्षा अचानक काढून घेतली, हे अत्यंत धक्कादायक आहे.