Mumbai Local: प्रवासी सुरक्षेसाठी मध्य रेल्वेचा मेगाप्लॅन! या दिवशी नवीन रुपात धावणार नॉन-एसी लोकल

मुंबई: गेल्या काही दिवसांमध्ये लोकलमधून पडून प्रवाशांचे मृत्यू होण्याच्या घटनांमध्ये वाढ झाली आहे. 9 जून 2025 रोजी मुंब्रा येथे झालेल्या भीषण अपघातामध्ये तर एकाच वेळी अनेकांना आपला जीव गमवावा लागला. लोकलमधून पडून होणाऱ्या अपघातांच्या घटनांवर नियंत्रण ठेवण्यासाठी मध्य रेल्वेने एक महत्त्वाचं पाऊल उचललं आहे. साध्या लोकलला देखील एसी लोकलप्रमाणे ऑटोमॅटिक दरवाजे बसवण्याचा निर्णय घेण्यात आला आहे. येत्या डिसेंबरपर्यंत मुंबईकरांना ऑटोमॅटिक दरवाजे असलेली पहिली नॉन-एसी लोकलने प्रवास करण्याची संधी मिळू शकते.