गडचिरोलीत पावसाचा हाहाकार; भामरागडचा संपर्क तुटला, बाजारपेठ बुडाली

दक्षिण गडचिरोली जिल्ह्यात कालपासून मुसळधार पाऊस पडत आहे, या भागातील नदी नाले तुडुंब भरून वाहत आहेत. इंद्रावती आणि पर्लकोटा नदीला पूर आला आहे. या पुराचा मोठा फटका हा भामरागड तालुक्याला बसला आहे. भामरागडचा पूल पाण्याखाली गेल्यानं भामरागडचा संपर्क तुटला आहे. पुराचे पाणी गावात चौकाच्या पलीकडे गेले असून, बाजारपेठ ही पाण्यात बुडाली आहे. याचा मोठा फटका हा तेथील नागरिकांना बसला आहे.