डोक्यावर कर्जाचा डोंगर! सततची नापिकी, नियतीनेही हात टेकले, युवा शेतकऱ्यानं संपवलं जीवन

गणेश कळंबे यांनी आपल्या दीड एकर शेतीच्या उत्पन्नासाठी भारतीय स्टेट बँकेकडून 73 हजार रुपयांचे शेती कर्ज घेतले होते. मात्र मागील काही वर्षांपासून पावसाच्या तुटवड्यामुळे आणि रोगराईमुळे पीक उत्पादनावर गंभीर परिणाम झाला होता. शेतमालाला बाजारात समाधानकारक दर न मिळाल्याने त्यांची आर्थिक परिस्थिती ढासळत गेली.

शनिवारी उशिरा, सर्व कुटुंबीय झोपलेले असताना गणेश अंगणात गेला आणि बाहेरून दरवाजा बंद करून गळफास घेत आत्महत्या केली. रविवारी पहाटे त्यांच्या पत्नीला उठल्यावर गणेश घरात दिसला नाही. तिने घराबाहेर यायचा प्रयत्न केला, तेव्हा लक्षात आले की दरवाजा बाहेरून बंद आहे. खिडकीतून पाहिले असता गणेश गळफास घेतलेल्या अवस्थेत दिसला.