पुणे जर्मन बेकरी बॉम्बस्फोटातील आरोपीवर भर दिवसा गोळीबार, अहिल्यानगरमध्ये खळबळ

मिळालेल्या माहितीनुसार, अहिल्यानगर जिल्ह्यातील श्रीरामपूर इथं ही घटना घडली. अस्लम शेख उर्फ बंटी जहागिरदार असं गोळीबार झालेल्या व्यक्तीचं नाव आहे. बंटी जहागीरदार हा 2012 मधील पुणे जर्मन बेकरी बॉम्बस्पोटातील आरोपी आहे.  2023 पासून जहागीरदार जामिनावर बाहेर आहे. दुचाकीवरून आलेल्या मारेकऱ्यांनी बंटी जहागीरदारवर बेछुट गोळीबार केला. या गोळीबारात बंटी जहागीरदार हा जखमी झाला आहे. जखमी बंटी जहागीरदारला तातडीने नजीकच्या  रुग्णालयात दाखल केलं असून उपचार सुरू आहे.

घटनेची माहिती मिळताच पोलिसांनी घटनास्थळी धाव घेतली. पोलिसांनी घटनास्थळाचा पंचनामा केला आहे. मारेकऱ्यांना शोधण्यासाठी शहरात नाकाबंदी करण्यात आली आहे.  बंटी जहागीरदार याच्यावर गोळीबाराने अहिल्यानगर जिल्ह्यात खळबळ उडाली आहे. बंटी जहागीरदार याच्यावर गोळीबार झाल्याने तणावपूर्ण वातावरण आहे. ऐन निवडणुकीच्या काळात घडलेल्या या घटनेमुळे गोळीबाराच्या घटनेने श्रीरामपुरात तणावाची परिस्थिती आहे.

पोलिसांकडून अज्ञात हल्लेखोरांचा शोध सुरू आहे. दरम्यान, गोळीबाराच्या घटनेनंतर  पोलीस ठाण्यासह शहरात मोठा जमाव जमला आहे.  शहरात तणावपूर्ण वातावरण आहे.

(सविस्तर बातमी लवकरच)