Weather update: मुंबईसह उपनगरात पावसानं विश्रांती घेतली होती. सात दिवसांच्या बाप्पाला कोकणात निरोप देताना पावसानं मात्र कहर केला. दिवसभर पाऊस सुरू होता. आजपासून पुढचे चार दिवस देखील कोकण आणि मध्य महाराष्ट्रात मुसळधार पाऊस असणार आहे. पश्चिम बंगालच्या उपसागरात कमी दाबाचा पट्टा तयार झाला असून त्याची तीव्रता अधिक आहे. याशिवाय दोन ठिकाणी कमी दाबाचं क्षेत्र तयार झालं आहे. त्यामुळे वाऱ्यांची दिशा बदलली आहे. गुजरातमध्ये देखील पुढचे चार दिवस अति मुसळधार पावसाचा इशारा देण्यात आला आहे.