पठ्ठ्या मालकाचे 50 हजार ऑनलाईन रमीत हारला अन् दिली चोरीची तक्रार, पोलिसांनी घडवली जन्माची अद्दल

हिंगोली, 31 ऑगस्ट, मनष खरात : हिंगोलीमधून एक धक्कादायक घटना समोर आली आहे. एका तरुणानं आपल्या मालकाचे पन्नास हजार रुपये ऑनलाईन रमीमध्ये हारले. त्यानंतर त्यानं चोरीचा बनाव रचला. चोरांनी रात्रीच्या वेळी आपले पैसे चोरून नेल्याची खोटी तक्रार त्यानं पोलीस ठाण्यात दाखल केली. मात्र अवघ्या काही तासांमध्ये पोलिसांनी या प्रकरणाचा छडा लावला आहे. सत्य समोर येताच पोलिसांनाही धक्का बसला. पैसे चोरी झाले नसून तो ते पैसे ऑनलाईन रमीत हरल्याचं पोलीस चौकशीत समोर आलं.