'कार्यकर्त्यांसाठी 35 कोटी कमिशन सोडून दिलं', संजय गायकवाड बोलून गेले अन् लगेच घेतला युटर्न! VIDEO

' जवळपास मी ३५ कोटी रुपयांचे कमिशन मी कार्यकर्त्यांना सोडून दिलं' असं वक्तव्य संजय गायकवाड यांनी एका कार्यक्रमात केलं आहे. या कार्यक्रमाचा तपशील अद्याप समोर आला नाही. पण, संजय गायकवाड यांच्याकडून कमिशनखोरीची कबुलीच असल्याचं मानलं जात आहे. एकीकडे राज्यात अर्थसंकल्पीय आधिवेशन सुरू आहे तर दुसरीकडे महायुतीच्या आमदाराच धक्कादायक विधान समोर आलं आहे.

दरम्यान, या प्रकरणाचा व्हिडीओ समोर आल्यानंतर संजय गायकवाड यांनी खुलासा केला आहे. मला तसं काही म्हणायचं नव्हतं. माझ्या डाव्याबाजूची बोबडी वळत असते, त्यामुळे ३५ कोटींची कामं सोडून दिली असं म्हणायचं होतं, त्या ऐवजी कमिशन शब्द आला, मला काम म्हणायचं होतं, पण चुकून कमिशन हा शब्द चुकून तोंडात आला, कार्यक्रम संपवल्यावर सुद्धा मी लोकांना समजावून सांगितलं, अशी सारवासारव संजय गायकवाड यांनी केली. तसंच, कार्यकर्त्यांसाठी मी काम सोडली असं म्हणायचं होतं, पण चुकून कमिशन शब्द वापरला गेला, असं पुन्हा एकदा संजय गायकवाड म्हणाले.