Loksabha Election Result : नाना पटोलेंकडून वेगवान घडामोडी, उद्धव ठाकरेंची नाराजी वाढणार

मुंबई : लोकसभा निवडणुकीत देशात काँग्रेसला पुन्हा एकदा नवसंजिवनी मिळाली. २०१९ च्या तुलनेत जागांमध्ये वाढ झाली. मात्र काँग्रेसला १०० जागांपर्यंत मजल मारता आली नाही. महाराष्ट्रातही काँग्रेसला चागंल यश मिळालं. मात्र महाविकास आघाडीत सांगलीच्या जागेवरून बराच वाद झाला होता. शिवसेना उद्धव बाळासाहेब ठाकरे गटाने सांगलीत चंद्रहार पाटलांची उमेदवारी जाहीर केली. त्यानंतर काँग्रेसच्या विशाल पाटील यांनी बंडखोरी करत अपक्ष निवडणूक लढवली आणि जिंकली. यात स्थानिक काँग्रेस नेत्यांनी विशाल पाटील यांना छुपी मदत केल्यानं उद्धव ठाकरे यांची काँग्रेसवर नाराजी वाढण्याची शक्यता आहे.