बैलपोळ्याचा सण, याठिकाणी भरतो जालना जिल्ह्यातील सर्वात मोठा बाजार, साज खरेदीसाठी मोठी गर्दी, VIDEO

जालना : श्रावण महिन्यात हिंदू धर्मातील अनेक सण उत्सव येतात. त्यापैकीच एक म्हणजे बैलपोळा हा बळीराजासाठी अतिशय महत्त्वाचा असणारा सण आहे. शेतात वर्षभर राबणाऱ्या बैलांप्रती कृतज्ञता व्यक्त करण्यासाठी शेतकरी हा सण मोठ्या उत्साहात साजरा करतात. बैलाला विविध रंगी साजणी सजवून त्याला पुरणपोळीचा नैवेद्य खाऊ घातला जातो.

जालना शहरातील सिंधी बाजारातही बैलांच्या साज विक्रीचा मोठा बाजार भरला आहे. या ठिकाणी विक्रेत्यांनी बैलांच्या साधासाठी लागलेल्या सगळ्या वस्तू विक्रीसाठी ठेवल्या आहेत. जिल्हाभरातील शेतकरी या ठिकाणी येऊन बैलांसाठी साज खरेदी करत आहेत. याचबाबत लोकल18 च्या टीमने घेतलेला हा आढावा.

येत्या 2 सप्टेंबर रोजी शेतकऱ्यांसाठी महत्त्वाचा असणारा बैलपोळा हा सण आहे. बैल पोळ्याच्या दिवशी बैलांना सजवण्यासाठी शेतकऱ्यांमध्ये नेहमी स्पर्धा असते. सर्वात जास्त साज कोणत्या बैलावर चढवला जातो आणि कोणाची बैल जोडी सर्वाधिक आकर्षक दिसते याची उत्सुकता ही सगळ्यांना असते. त्यामुळेच जास्तीत जास्त बैलांचा साज करून बैलांना आकर्षक आणि सुशोभित करण्याचा प्रयत्न शेतकऱ्यांचा असतो.

बैलपोळा सण जवळ आल्याने इथं आम्ही बैलाचा साज खरेदीसाठी आलो आहोत. इथे चांगल्या दरामध्ये बैलांच्या साधासाठी आवश्यक असणाऱ्या सर्व वस्तू मिळत आहेत. बैलांप्रती कृतज्ञता व्यक्त करण्याचा बैलपोळा असल्याने हा सलामी मोठा उत्साहात साजरा करतो. मी आत्ता बैलांसाठी मोरख्या आणि कासरे इत्यादी साहित्य खरेदी केला आहे. आणखी गोंडे आणि झुला मला खरेदी करायचे आहेत. बाजारात बऱ्यापैकी शेतकऱ्यांची गर्दी आहे, अशी प्रतिक्रिया शेतकरी राहुल तौर यांनी दिली.