Bamboo Exhibition: बांबूचा टूथब्रश अन् बांबूचेच दागिने, जालन्यात भरलंय प्रदर्शन, लगेच करा खरेदी

जालना: सध्याच्या काळात बांबूपासून बनवलेल्या पर्यावरणपुरक वस्तूंना मागणी असते. जालना शहरातील महेश भवन येथे बांबूच्या सुबक आणि सुंदर अशा वस्तूंचं प्रदर्शन सुरू आहे. जालनाकर तसेच मराठवाड्यातील विविध जिल्ह्यातून आलेल्या नागरिकांचा उत्स्फूर्त प्रतिसाद या प्रदर्शनाला मिळत आहे. बांबूच्या लागवडीला तसेच बांबू पासून बनवलेल्या वस्तूंना चालना मिळावी म्हणून या प्रदर्शनाचं आयोजन करण्यात आलं आहे. याबाबतची अधिक माहिती सुयोग कुलकर्णी यांनी दिली आहे. ‌

रानउद्योग फार्म प्रोड्युसर कंपनी आणि वेणुवेध संशोधन संस्था पुणे यांनी या प्रदर्शनाचे आयोजन केलं आहे. हे प्रदर्शन 11 एप्रिल ते 13 एप्रिल दरम्यान जालना शहरातील महेश भवन येथे आयोजित करण्यात आल आहे. विविध प्रकारचे दागिने, टूथब्रश, खुर्च्या, टेबल, शोभेच्या वस्तू इत्यादी आकर्षक वस्तू प्रदर्शनात ठेवण्यात आल्या आहेत.