तहसीलदाराच्या टेबलावर पैशाचा पाऊस, शेतकऱ्याच्या ‘त्या’ कृतीने खळबळ, जालन्यात काय घडलं? Video

रस्ता देण्यासाठी नायब तहसीलदार तायडे यांनी पैशांची मागणी केल्याचा आरोप शेतकरी मात्रे यांनी केला. शिवाय या महसूल प्रशासनाच्या अन्यायकारक भूमिकेमुळे त्यांच्या वडिलांना हृदयविकाराचा झटका आल्याने त्यांच्यावर उपचार सुरू असल्याचेही त्यांनी नमूद केले. एकूणच अधिकारी पैशांची मागणी करीत असल्याने संतप्त होऊन मंगळवारी त्यांनी बदनापूर तहसील कार्यालयात तायडे यांच्या दालनातील टेबलवर पैशांची उधळण केली.

“मी स्वतःच्या स्वाक्षरीने रस्ता देण्याबाबत आदेश दिले होते. मात्र, विरोधी पक्षकाराने जालना येथील उपविभागीय अधिकाऱ्यांकडे फेरयाचिका दाखल केली होती. त्यात मी दिलेला आदेश रद्द करून फेरचौकशीचा आदेश देण्यात आला. मी पैशांची मागणी केली असेल, तर त्यांनी लाचलुचपत विभागाकडे तक्रार करावी. त्यांनी जाणीवपूर्वक माझ्या टेबलवर नोटा टाकल्या आहेत,” असे नायब तहसीलदार हेमंत तायडे यांनी सांगितले.