Jalna Traffic: श्री गजानन महाराजांची पालखी परतीच्या वाटेवर, जालन्यातील वाहतूक मार्गात मोठे बदल

रविवारी (ता.20) सकाळी तीन वाजेपासून रात्री 11 वाजेपर्यंत हरीओम हॉटेल वडीगोद्री समोरील उड्डाणपुलाखालून व बाजुने अंबडकडे येणारी सर्व अवजड वाहने थांबवून पाचोड जामखेड फाटा-जामखेड-किनगाव चौफुली-बदनापूर मार्गे जालनाकडे जातील. जालनाकडून येणारी वाहने बदनापूर-किनगाव चौफुली पाचोड मार्गे शहागडकडे जातील. शहापूर ते शहागड व अंबड ते पाचोड मार्गावरील गावातील अवजड वाहनांनी याच मार्गाचा वापर करावा. तसेच पारनेर फाटा ते छत्रपती संभाजीनगर महामार्गापर्यंतच्या गावातील अवजड वाहनांनी याच मार्गाचा वापर करावा.

सोमवारी (ता. 21) पहाटे तीन ते रात्री 11 वाजेपर्यंत हरीओम हॉटेल वडीगोद्री समोरील उड्डाणपुलाखालून व बाजूने अंबडकडे येणाऱ्या सर्व वाहनांना प्रवेश बंद करून ही वाहने वडीगोद्री-पाचोड जामखेड फाटा-जामखेड-किनगाव चौफुली-बदनापूरमार्गे जालनाकडे जातील. जालन्याकडून येणारी वाहने बदनापूर-किनगाव चौफुली जामखेड-जामखेड फाटा पाचोड मार्गे शहागडकडे जातील. तसेच अंबडकडून जालन्याकडे जाणारी अवजड वाहने पहाटे तीन ते रात्री 11 वाजेदरम्यान बंदी असून ही वाहने किनगाव चौफुली-बदनापूर मार्गे जालनाकडे जातील. जालनाकडून अंबडकडे येणारी अवजड वाहने बदनापूर-किनगाव चौफुली-जामखेड-पाचोड शहागडकडे जातील.