MHADA Lottery 2025: आमदार-खासदारांची चंगळ, फक्त साडेनऊ लाखात मिळणार घर!

म्हाडा कोकण मंडळाने ठाणे शहर आणि जिल्ह्यासह वसई परिसरातील 5285 घरांची लॉटरी प्रक्रिया सुरू केली आहे. यामध्ये वेगवेगळ्या राखीव गटांप्रमाणे आजी-माजी आमदार आणि खासदार यांच्यासाठी 95 राखीव घरे असणार आहेत. अल्प उत्पन्न गटातील या घरांच्या किमती साडेनऊ लाख ते 11 लाख रुपयांच्या दरम्यान असणार आहेत. तर आमदाराचे सध्याचे वेतन महिन्याला एक लाखापेक्षा जास्त असून महागाई भत्ता वेगळा दिला जातोय. म्हाडाचे साडेनऊ लाखाचे घर कल्याणमध्ये असून कोणता आमदार अत्यल्प उत्पन्न गटात आहे? आणि कोण या घरांसाठी अर्ज करतो? याबाबत उत्सुकता आहे.

दरम्यान, म्हाडाकडे याबाबत विचारणा केली असता महाराष्ट्र गृहनिर्माण आणि क्षेत्र विकास अधिनियम 1976 नुसार उत्पन्न गटानुसार आमदार-खासदारांसाठी घरे राखीव ठेवावी लागतात. या घरांसाठी आमदार-खासदारांकडून अर्ज न आल्यास ती खुल्या वर्गातील अर्जदारांना उपलब्ध होतात, असं म्हाडाच्या वरिष्ठ अधिकाऱ्याने सांगितले.

कल्याण - अत्यल्प - 9.55 ते 11.31-1

टिटवाळा - अल्प - 17.18 ते 30.56-1

नवी मुंबई - अत्यल्प - 8.59-2

कल्याण - अत्यल्प - 19.60 ते 19.95- 1

विरार - अत्यल्प - 13.29-1

ठाणे - अल्प - 20 ते 21- 1

वसई - अल्प - 14 ते 18- 1

कल्याण - अल्प - 21 ते 22- 49

शिरढोण - अल्प - 35.66- 11

14 जुलैपासून ऑनलाईन अर्ज प्रक्रिया सुरू.

13 ऑगस्ट : रात्री 11:59 वाजेपर्यंत ऑनलाइन अर्ज करण्याची मुदत आहे.

14 ऑगस्ट : रात्री 11:59 वाजेपर्यंत अर्जदार अनामत रकमेचा भरणा ऑनलाइन करू शकतील. त्यानंतर सर्व कागदपत्रांची पूर्तता करणारे अर्जदार या प्रणालीद्वारे पात्र ठरविले जातील.

21 ऑगस्ट : सायंकाळी 6 वाजता सोडतीसाठी स्वीकृत अर्जांची प्रारूप यादी  प्रसिद्ध होईल.

25 ऑगस्ट :  सायंकाळी 6 वाजेपर्यंत प्रारूप यादीवर दावे व हरकती नोंदविता येणार आहेत.

1 सप्टेंबर : सोडतीसाठी स्वीकृत अर्जाची अंतिम यादी सायंकाळी 6 वाजता  प्रसिद्ध होईल.

3 सप्टेंबर : सकाळी 10 वाजता  पात्र अर्जाची संगणकीय सोडत ठाणे येथील डॉ. काशीनाथ घाणेकर नाट्यगृह येथे जाहीर केली जाईल.