Knee Health: ज्येष्ठ नागरिकच नाही तर तरुणही गुडघेदुखीने हैराण, या टिप्स फॉलो केल्यास मिळेल आराम, VIDEO

बीड: गुडघेदुखी हा त्रास आता फक्त ज्येष्ठ नागरिकांपुरता मर्यादित राहिलेला नाही. आजकाल तरुणांमध्येही मोठ्या प्रमाणात गुडघेदुखी वाढताना दिसत आहे. बदलती जीवनशैली, वाढलेलं वजन, चुकीचा आहार आणि व्यायामाचा अभाव या कारणांमुळे गुडघ्यावरील ताण सातत्याने वाढतो. सुरुवातीला साध्या वेदना जाणवतात. पण, याकडे दुर्लक्ष केल्यास हा त्रास संधिवातात (Arthritis) परिवर्तित होऊन गंभीर समस्या निर्माण होऊ शकते. गुडघ्याच्या सांध्यातील कूर्चा झिजल्यामुळे हालचाल कठीण होते. पायाना सूज येणे आणि चालताना वेदना होतात.