20 साल बाद! जेव्हा सतेज पाटलांमुळे मधुरिमाराजेंच्या वडिलांवर ओढावली होती नामुष्की

याआधी 20 वर्षांपूर्वी सतेज पाटील यांच्यामुळे मधुरिमाराजे यांचे वडील दिवंगत माजी मंत्री दिग्विजय खानविलकर यांच्यावर पराभवाची नामुष्की ओढावली होती. 2004 च्या विधानसभा निवडणुकीत अपक्ष निवडणूक लढणाऱ्या सतेज पाटील यांनी दिग्विजय खानविलकर यांचा पराभव केला होता. करवीर विधानसभा निवडणुकीत दिग्विजय खानविलकर राष्ट्रवादी काँग्रेसच्या तिकीटावर तर सतेज पाटील अपक्ष रिंगणात होते. या निवडणुकीत सतेज पाटलांना 1,16,909 मतं मिळाली होती तर दिग्विजय खानविलकर यांना 74,305 मतांवर समाधान मानावं लागलं. करवीरच्या या निवडणुकीत सतेज पाटलांनी दिग्विजय खानविलकरांचा 42,604 मतांनी पराभव केला.