किरकोळ दुखणं, अन् केव्हाही घेतायेत अँटिबायोटिक्स, अजिबात असं करू नका, कारण...

लोकल18 शी बोलताना त्यांनी सांगितले की, जगातील सर्वाधिक प्रभावी ठरलेल्या 10 वैज्ञानिक शोधांपैकी एक मानली जाणारी प्रतिजैविके, हे जिवंत जीवाणू किंवा रासायनिक संयुगे असतात. पूर्वी न्यूमोनिया, डांग्या खोकला, संधिवाताचा ताप अशा जीवाणूजन्य आजारांवर प्रभावी औषधे उपलब्ध नव्हती. ब्रिटिश जीवशास्त्रज्ञ सर अलेक्झांडर फ्लेमिंग यांना पेनिसिलीन आणि त्याच्या प्रतिजैविक म्हणून वापराच्या क्रांतिकारी शोधाबाबत 1945 मध्ये ‘नोबेल’ देण्यात आले.

प्रतिजैविक म्हणजेच अँटी-बायोटिक्स जीवाणूविरोधी अँटीबायोटिक जीवाणू मारण्याचे काम करतात. ही औषधे सामान्यत: जिवाणूंच्या सेल सामग्रीच्या निर्मितीमध्ये हस्तक्षेप करून कार्य करतात. बॅक्टेरियोस्टॅटिक बॅक्टेरियाची वाढ थांबवते.बहुतेक अँटीबायोटिक्स काही तासांतच काम करू लागतात. अनेक वेळा डॉक्टर पेशंटला औषधांचा संपूर्ण कोर्स घेण्याचा सल्ला देतात, जेणेकरून जीवाणू पुन्हा निर्माण होऊ नयेत.

अँटी-बायोटिक्सच्या अतिसेवनामुळे शरीरात या औषधांना प्रतिकारशक्ती निर्माण होते. याला अँटी-बायोटिक रेझिस्टन्स म्हणजेच प्रतिजैविक प्रतिरोधक असे म्हटले जाते. म्हणजे थोडक्यात, यामुळे आपल्या शरीरावर होणारा औषधांचा प्रभाव थांबतो. त्यामुळे केवळ आजाराचे प्रमाण वाढत नाही तर त्या आजारातून बाहेर पडायलाही वेळ लागतो. तसेच ही औषधे शरीरासाठी फायदेशीर बॅक्टेरियादेखील नष्ट करतात, असे एका संशोधनात आल्याचे डॉक्टर सांगतात.

ताप, सर्दी-खोकला ब्रॉंकायटिस, सायनस अशा अनेक आजारांमध्ये अँटी-बायोटिक (औषधे) घेण्याची गरज नसते. या समस्या अथवा आजार असताना अँटी-बायोटिकचा वापर करू नये. व्हायरल इन्फेक्शनसाठी देखील अँटी-बायोटिक्स प्रभावी ठरत नाहीत. अशा प्रकारचा संसर्ग झाल्यास अँटी-बायोटिक्समुळे खूप नुकसान होऊ शकते, अशी माहिती त्यांनी दिली.