Krushi Market Today Rate: सोयाबीनने शेतकऱ्याला हसवलं, पण कांद्याने रडवलं; इतर शेतमालांचे दर काय?

मक्याचे दर गडगडले: राज्याच्या कृषीमार्केट मध्ये आज एकूण 3 हजार 867 क्विंटल मक्याची आवक झाली. यापैकी नाशिक मार्केटमध्ये 3 हजार 619 क्विंटल मक्याची सर्वाधिक आवक झाली. त्यास मक्याच्या प्रतीनुसार कमीत कमी 1241 ते जास्तीत जास्त 2070 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 2 क्विंटल मक्यास 2500 ते 2800 रुपये दरम्यान सर्वाधिक बाजारभाव मिळाला.

उन्हाळी काद्यांचा भाव: उन्हाळी काद्यांचा हंगाम अंतिम टप्प्यात आला असल्याने बाजारातील आवक चांगली आहे. मात्र कांद्याचे दर दबावातच दिसतात. राज्याच्या मार्केटमध्ये आज 1 लाख, 17 हजार 558 क्विंटल कांद्याची एकूण आवक झाली. यापैकी 47 हजार 284 क्विंटल सर्वाधिक आवक पुणे बाजारात झाली. त्यास प्रतीनुसार कमीत कमी 460 ते जास्तीत जास्त 1931 रुपयांपर्यंत बाजार भाव मिळाला. तसेच नागपूर मार्केटमध्ये आवक झालेल्या 4 क्विंटल कांद्यास सर्वाधिक 2000 रुपये बाजारभाव मिळाला.

अशी राहिली सोयाबीनची आवक: राज्याच्या मार्केटमध्ये 32 हजार 722 क्विंटल सोयाबीनची एकूण आवक झाली. यापैकी लातूर मार्केटमध्ये सर्वाधिक 19 हजार 583 क्विंटल आवक राहिली. त्यास प्रतीनुसार 4240 ते 4722 रुपये प्रतिक्विंटल बाजार भाव मिळाला. तसेच अकोला मार्केटमध्ये 5089 क्विंटल सोयाबीनची आवक होऊन त्यास प्रतीनुसार 4000 ते 4775 रुपये सर्वाधिक बाजारभाव मिळाला.