महाराष्ट्रातील मोठी घडामोड! 50 दिवसांपासून फरार असलेला मंत्र्याचा मुलगा अखेर पोलिसांत सरेंडर

रायगड जिल्ह्याच्या राजकारणातून एक मोठी बातमी समोर येत आहे. राज्याचे मंत्री आणि शिंदेसेनेचे प्रतोद भरत गोगावले यांचे चिरंजीव विकास गोगावले यांनी अखेर महाड शहर पोलीस ठाण्यात सरेंडर केलं आहे. नगर पालिका निवडणुकीदरम्यान झालेल्या राड्याप्रकरणी विकास गोगावले यांच्यावर गंभीर गुन्हा दाखल झाला होता. गेल्या अनेक दिवसांपासून ते पोलिसांना हवे होते. मात्र ते फरार होते. या प्रकरणी हायकोर्टाने प्रशासनाला झापल्यानंतर विकास गोगावले अखेर पोलिसांसमोर हजर झाले.