Maharashtra Govt Formation : महायुतीतील 'गृह' कलह संपला! शिंदे होणार उपमुख्यमंत्री, कोणत्या खात्यांवर झाली डील?

मुंबई :  विधानसभा निवडणूक निकालात महायुतीला प्रचंड बहुमत मिळून देखील मागील 12 दिवसांपासून सत्ता वाटपाचा तिढा सुरू होता. अखेर मंगळवारी रात्री हा तिढा सुटला असल्याची चर्चा आहे. राज्याच्या नव्या मंत्रिमंडळात गृह खाते हे शिवसेनेकडे असावे अशी मागणी एकनाथ शिंदे यांच्याकडून करण्यात आली होती. त्यावर आता तोडगा निघाला असल्याची माहिती सूत्रांनी दिली आहे. भाजपच्या विधीमंडळ गटाची आज बैठक होणार असून गट नेतेपदी देवेंद्र फडणवीस यांच्या नावावर शिक्कामोर्तब होण्याची चर्चा आहे. त्यामुळे देवेंद्र फडणवीस हे राज्याचे मुख्यमंत्री होणार आहेत. तर एकनाथ शिंदे आणि अजित पवार उपमुख्यमंत्री होणार आहे.