Maharashtra Local Body Election: आजपासून मिनी विधानसभेची रणधुमाळी, उमेदवारी अर्जाची प्रक्रिया सुरू, युती-आघाडीचं काय ठरलं?

मुंबई: मागील काही वर्षांपासून रखडलेल्या स्थानिक स्वराज्य संस्थांच्या निवडणुकीसाठीची रणधुमाळी आजपासून सुरू झाली आहे. राज्याच्या मिनी विधानसभा निवडणुकीचा पहिला टप्पा आजपासून सुरू होत आहे. राज्यातील राज्यातील २४६ नगरपालिका व ४२ नगरपंचायतींसाठी उमेदवारी अर्ज दाखल करण्याची प्रक्रिया आजपासून सुरू झाली आहे. या निवडणुकांमध्ये प्रभाग रचनेत मोठा बदल करण्यात आला आहे. निवडणुकीची रणधुमाळी आजपासून सुरू होत असली तरी अद्यापही अनेक ठिकाणी युती-आघाडीबाबत संभ्रम असल्याचे चित्र आहे. स्थानिक स्वराज्य संस्थांच्या निवडणुकीत स्वबळासह नवी समीकरणेही दिसण्याची शक्यता आहे.