Manoj Jarange Patil : पुन्हा सरकारच्या छाताडावर बसणार, निकालानंतर मनोज जरांगे पाटलांचा थेट इशारा

जालना : मराठा आरक्षणासाठी आंदोलन करणाऱ्या मनोज जरांगे पाटील यांनी विधानसभा निवडणुकीच्या निकालानंतर पुन्हा एकदा राज्य सरकारला थेट इशारा दिला आहे. राज्यात महायुतीला स्पष्ट बहुमत मिळालं. लोकसभेला जरांगे फॅक्टरचा महायुतीला फटका बसला, पण विधानसभा निवडणुकीत महायुतीवर कोणताही परिणाम झाला नाही. मराठवाड्यात महायुतीने तब्बल ४० जागा जिंकल्या आहेत. विधानसभा निवडणूक निकालानंतर आता मनोज जरांगे पाटील यांनी पत्रकार परिषद घेत प्रतिक्रिया दिली.