Navi Mumbai: 70 वर्षांच्या नराधमाने 10 वर्षांच्या चिमुरडीचे लचके तोडले, आईनेच लेकीला फ्लॅटवर पाठवलं!

नवी मुंबई : नवी मुंबईतून माणुसकीला आईच्या नात्याला काळीमा फासणारी घटना उघडकीस झाली आहे. लंडनमध्ये राहणाऱ्या 70 वर्षीय वृद्धाने भारतात येऊन अवघ्या 10 वर्षांच्या अल्पवयीन मुलीवर तब्बल दोन वर्षे वारंवार लैंगिक अत्याचार केल्याचा किळसवाणा प्रकार समोर आला आहे. सर्वात संतापजनक बाब म्हणजे, या अमानुष अत्याचाराला पीडितेची जन्मदात्री आईनेच साथ देत होती, असा धक्कादायक तपास पोलिसांनी उघड केला आहे.

आई दर वेळी मुलगी खेळायला जातेय या बहाण्याने तिला फारुकच्या घरी सोडत असे. आरोपी त्यावेळी मुलीला मद्यपान करायला लावून तिच्यावर अमानुष लैंगिक अत्याचार करीत होता. पीडितेनं कुणाला सांगितलं तर जीवे मारण्याची धमकी सुद्धा दिली होती. गेल्या दोन वर्षांपासून हा प्रकार सुरू होता, असं पोलीस तपासात समोर आलं आहे.

तपासादरम्यान समोर आले की, पीडित मुलीच्या आईने फारुककडून घरभाड्यासाठी अडीच लाख रुपये घेतले होते. याशिवाय दर महिन्याचे रेशनही त्याच्याकडून मिळणाऱ्या पैशांतून घेत होती. या बदल्यात ती स्वतःच्या मुलीला वारंवार फारुककडे पाठवत असल्याचं चौकशीत उघड झाले आहे. आईला आपल्या मुलीवर अत्याचार होत असल्याचे माहीत असूनही, केवळ पैशांच्या मोहापायी तिने हे अमानुष कृत्य चालू ठेवलं होतं. या कबुलीनंतर पोलिस अधिकारीही स्तब्ध झाले.

छाप्यात पोलिसांनी आरोपीच्या फ्लॅटमधून दारूच्या बाटल्या, सेक्स पॉवर गोळ्या, सेक्स टॉय, व्हायब्रेटर, व्हॅसलीन, डिजिटल व्हिडिओ रेकॉर्डर, DVR अशा अनेक संशयास्पद वस्तू जप्त केल्या आहेत. पोलिसांकडून या वस्तूंचा तांत्रिक तपास सुरू आहे.