ट्रॅक पाण्यात! चाकरमानी लोकलच्या प्रतीक्षेत; कल्याण, ठाणेसह अनेक स्टेशनवर मोठी गर्दी

हेही वाचा : आधीच हौस, त्यात पडला पाऊस! आठवड्याच्या पहिल्याच दिवशी लोकलचा खोळंबा

मुंबईतील काही भागांमध्ये मध्यरात्री 1 वाजल्यापासून सकाळी 7 वाजेपर्यंत 300 मीमीपेक्षा जास्त पावसाची नोंद झाली. याचा फटका मुंबईकरांना बसलाच, शिवाय उपनगरातून येणाऱ्या चाकरमान्यांचेही हाल झाले.

मुंबईला ठाणे, कल्याण, नवी मुंबई, वसई-विरार, पालघरहून दररोज हजारो प्रवासी कामानिमित्त येतात. रस्त्यांवर वाहतूककोंडी झाल्यानं आणि लोकलच्या तीनही मार्गांवरील गाड्या उशिरानं धावल्यामुळे बससाठी मोठीच्या मोठी रांग पाहायला मिळाली, शिवाय स्टेशनवर भरपूर गर्दी झाली होती. एकंदरीत, पावसामुळे आठवड्याच्या पहिल्या दिवशी संपूर्ण वाहतूक व्यवस्था विस्कळीत झाली आणि प्रवाशांना हाल सोसावे लागले.