Nagpur : नागपूरमध्ये नवमतदारांची लाट! नितीन राऊतांच्या मतदारसंघात सर्वाधिक वाढ, राजकीय गणितं बदलणार?

उदय तिमांडे, प्रतिनिधी, नागपूर : महाराष्ट्रात आगामी स्थानिक स्वराज्य संस्थांच्या निवडणुकीच्या पार्श्वभूमीवर नागपूर जिल्ह्यात मोठी राजकीय घडामोड घडली आहे. विधानसभा निवडणुकीनंतर जिल्ह्यात तब्बल 80 हजार नव्या मतदारांची भर पडली असून, त्यामुळे निवडणुकीची समीकरणं बदलण्याची शक्यता राजकीय वर्तुळात व्यक्त केली जात आहे. विधानसभा निवडणुकीच्या वेळी वाढलेल्या मतदारांच्या संख्येवर राजकीय आरोप-प्रत्यारोप होत असताना आता दुसरीकडे स्थानिक स्वराज्य संस्थांच्या निवडणुकीच्या आधी मतदारांची संख्या वाढली आहे.