महाराष्ट्राला हादरवणारी घटना, महिला पोलिसावर लैंगिक अत्याचार, अश्लील फोटो काढून ओढलं जाळ्यात अन्..

नागपूर: नागपूरच्या लकडगंज पोलीस ठाण्याच्या हद्दीत एक धक्कादायक प्रकार उघडकीस आला आहे. इथं कायद्याचे रक्षण करणाऱ्या एका महिला पोलीस कर्मचाऱ्यावरच लैंगिक अत्याचार करण्यात आला आहे. आरोपी एवढ्यावरच थांबला नाही. तर त्याने महिला पोलिसाचे आक्षेपार्ह फोटो काढून तिला ब्लॅकमेल केलं आहे. अश्लील व्हिडीओ व्हायरल करण्याची धमकी देऊन आरोपीनं पीडितेकडून १५ लाख ६० हजार रुपये उकळले आहेत. या प्रकरणी २५वर्षीय महिला पोलीस अंमलदाराने आरोपीविरोधात फिर्याद दाखल केली आहे. नागपूरच्या लकडगंज पोलीस ठाण्यात गुन्हा दाखल करण्यात आला असून पोलीस आरोपीचा शोध घेत आहेत.