२ दिवसांपासून दरवाजा बंद, मित्रांना संशय, दार उघडताच भयंकर चित्र, MBBS विद्यार्थ्याचे टोकाचे पाऊल
- Published by:Akshay Adhav
Last Updated:
Nagpur News: संकेत दाभाडे एम्स हॉस्पिटलमध्ये एमबीबीएसचे शिक्षण घेत होता. त्याच्या आत्महत्येचे कारण अद्याप समोर येऊ शकले नाहीये.
वृषभ फरकुंडे, नागपूर : नागपूरमध्ये वैद्यकीय शिक्षण घेणाऱ्या विद्यार्थ्याने गळफास लावून आत्महत्या केली आहे. संकेत दाभाडे असे विद्यार्थ्याचे नाव आहे. आत्महत्येचे कारण अद्याप अस्पष्ट आहे.
संकेत दाभाडे एम्स हॉस्पिटलमध्ये एमबीबीएसचे शिक्षण घेत होता. एम्स हॉस्पिटलमध्ये एमबीबीएसच्या पाचव्या वर्षाचे शिक्षण घेत असलेल्या संकेतने बाथरूमच्या दरवाजाला शॉल बांधून गळफास घेत आत्महत्या केली.
मागील दोन दिवसापासून त्याच्या रूमचा दरवाजा बंद होता. आतमध्ये कसलीही हालचाल नव्हती. त्यामुळे इतर विद्यार्थ्यांनी शंका आल्याने त्यांनी वार्डनला याबाबतची माहिती दिली. वॉर्डनला सांगून दरवाजा उघडल्यानंतर धक्कादायक प्रकार समोर आला.
advertisement
संकेत दाभाडे याच्या आत्महत्येमागे नेमके कारण काय आहे, याचा शोध पोलिसांकडून घेतला जात आहे. सोनेगाव पोलिसांनी घटनास्थळी पोहोचून मृतदेह शवविच्छेदनासाठी पाठविला आहे. या प्रकरणात पोलीस अधिक तपास करीत आहेत.
Location :
Nagpur,Maharashtra
First Published :
Aug 04, 2025 3:35 PM IST
मराठी बातम्या/महाराष्ट्र/
२ दिवसांपासून दरवाजा बंद, मित्रांना संशय, दार उघडताच भयंकर चित्र, MBBS विद्यार्थ्याचे टोकाचे पाऊल
