मंदिराच्या पडक्या विहिरीत आढळला मुंडकं नसलेला मृतदेह, नागपुरातील खळबळजनक प्रकार

Nagpur Crime News: नागपूर शहराच्या गणेशपेठ पोलीस ठाण्याच्या हद्दीत एक खळबळजनक प्रकार उघडकीस आला आहे. येथील आग्याराम देवी मंदिराच्या पाठीमागे एका जुन्या पडक्या विहिरीमध्ये डोके नसलेला मानवी सांगाडा आढळून आला आहे. हा सांगाडा अत्यंत कुजलेल्या अवस्थेत असून, त्याचा एक हात आणि डोके गायब आहे. त्यामुळे, अज्ञात व्यक्तीची हत्या करून पुरावा नष्ट करण्यासाठी मृतदेह विहिरीत फेकण्यात आला असावा, अशी शक्यता वर्तवली जात आहे.