Nagpur Water: नागपूरकर पाणी जपून वापरा, 2 दिवस पुरवठा बंद राहणार, कारण काय?

नागपूर: नागपूरकरांसाठी महत्त्वाची बातमी आहे. महानगरपालिका व ऑरेंज सिटी वॉटर यांच्या संयुक्त नियोजनानुसार, मेडिकल फीडरवरील पाणीपुरवठा बंद राहणार आहे. शनिवार 20 सप्टेंबर रोजी सकाळी 10 वाजल्यापासून रविवारी म्हणजेच 21 सप्टेंबर सकाळी 10 वाजेपर्यंत पुरवठा बंद राहील. हा निर्णय कॉटन मार्केट चौक व लोहा पुलाजवळ मेडिकल फीडरचे अमृत योजनेअंतर्गत नव्या फीडरशी इंटरकनेक्शन करण्यासाठी घेण्यात आला आहे. प्रशासनाने या कामाला प्राधान्य दिले असून यामुळे परिसरात पाणीपुरवठा तात्पुरता ठप्प राहणार आहे.