Trending:

खरातने 5 नरबळी दिले, हरणाची कस्तुरी अन्.. सरकारी वकिलांनी 'कॅप्टन'ची कुंडलीच काढली; 7 मिनिटात कोर्टात काय काय घडलं?

Published by:Prachi Amale

Last Updated:Mar 24, 2026 4:24 PM IST

खरातने नरबळी दिल्याचा संशय सरकारी वकिलांनी व्यक्त केला असून मोठी खळबळ उडाली आहे.

इम्पॅक्ट शॉटतुमचा गेटवे लेटेस्ट न्यूज

Translate

नाशिक : नाशिकमधील भोंदूबाबा अशोक खरात याचे काळे कारनामे बाहेर येत आहेत. अनेक महिला त्याच्या लैंगिक छळाला बळी पडल्या आहेत. दमदाटी करून त्याने अनेक जमिनी लाटल्याचे समोर आले आहे. या खरातचे अजून मोठे कांड समोर येत आहेत. त्याच्याविरोधात दाखल गुन्ह्यांची संख्या आता 6 इतकी झाली आहे. त्याची पोलीस कोठडी आज संपली असून त्याला न्यायालयात हजर करण्यात आले. दरम्या आज कोर्टात युक्तिवाद करताना सरकारी वकिलांनी धक्कादायक खुलासा केला आहे. खरातने नरबळी दिल्याचा संशय सरकारी वकिलांनी व्यक्त केला असून खरातला सात पोलीस कोठडी देण्याची मागणी सरकारी वकिलांनी केली

महिला लैंगिक अत्याचारातील आरोपी आणि स्वतःला कॅप्टन म्हणून मिरवणाऱ्या अशोक खरातची गेल्या 4 दिवसांपासून एसआयटी चौकशी सुरू आहे. दरम्यान, एसआयटीच्या चौकशीत दररोज नवनवे खुलासे समोर येत आहेत. तसेच, दुसरीकडे पीडित महिलाही समोर येत असून खरातविरुद्ध गुन्हा दाखल करत आहेत. आज कोर्टात खरातला दाखल केल्यानंतर विशेष पोलीस पथकातील अधिकारी सूर्यवंशी यांनी न्यायालयाला खरात याच्यासंदर्भाने माहिती दिली. अशोक खरात हा स्वत:ला सिद्ध पुरूष म्हणवून घ्यायचा. येणाऱ्या महिलांना तो पेढा आणि विशेष प्रकारचे पाणी प्यायला द्यायचे, असे सांगितले.

6 लाख 53 हजारांची रोकड आणि लॅपटॉप जप्त केला, अशी माहिती सरकारी वकिलांनी दिली. तसेच खरात याच्या फार्महाऊसवर पिस्तुलाच्या 5 पुंगळ्या सापडल्याचेही त्यांनी सांगितले. खरातने नरबळी दिल्याचा संशयही सरकारी वकिलांनी न्यायालयात उपस्थित केला. खरात वाघ आणि साप लोकांना दाखवून त्यांच्या मनात भीती निर्माण करायचा. हरणाची काळी आणि पांढरी कस्तुरी लोकांना द्यायचा असाहा संशय सरकारी वकिलांनी कोर्टात उपस्थित केला.