नाशकातील 'बड्या साहेबा'चे 400 कोटी पळवले? या कानाची त्या कानाला खबर नाय! बेळगाव पोलिसांचा खळबळजनक दावा!

Nashik 400 Crore Cash Robbery Case : नाशिकमध्ये 2000 रुपयांच्या नोटांनी भरलेला ट्रक लुटल्याच्या कथित धक्कादायक प्रकाराने एकच खळबळ उडाल्याचं पहायला मिळतंय. या प्रकरणाचे धागेदोरे नाशिकपर्यंत पोहोचले असून नाशिक ग्रामीण पोलिसांत संदीप पाटील नावाच्या व्यक्तीने फिर्याद दाखल केली आहे. या तक्रारीची दखल घेत कर्नाटकच्या बेळगाव जिल्ह्यातील खानापूर पोलीस ठाण्याचे पोलीस निरीक्षक बिरादार आणि कमकेरी हे आपल्या पथकासह नाशिकमध्ये दाखल झाले आहेत. कर्नाटक पोलिसांनी नाशिकमध्ये येऊन तपास सुरू केल्याने या प्रकरणाचे गांभीर्य आता कित्येक पटीने वाढले आहे.