टेन्शन वाढवणारी बातमी! पुणेकरांच्या नावे नको तो विक्रम; जगात पाचवा नंबर, धक्कादायक अहवाल

पुणे: विद्येचं माहेरघर, औद्योगिक नगरी आणि आयटी हब म्हणून ओळख असलेले पुणे शहर गेल्या काही वर्षांत झपाट्याने विकसित होत आहे. मात्र, या वेगवान विकासासोबतच अनेक गंभीर समस्या देखील निर्माण झाल्या आहेत. त्यापैकी सर्वात मोठी समस्या म्हणजे पुण्यातील वाढती वाहतूक कोंडी. याच समस्येमुळे पुणे शहर पुन्हा एकदा जागतिक पटलावर चर्चेत आले आहे. मुंबईपेक्षा पुण्यात वाहतूक कोंडी अधिक असल्याचे समोर आले असून, वाहतूक कोंडीच्या बाबतीत जगात चौथ्या क्रमांकावर असलेले पुणे शहर 2025 मध्ये आता पाचव्या क्रमांकावर पोहोचले आहे.