Nashik: 'मुलाला सरकारी नोकरी, तुमचंही भविष्य उज्ज्वल करुन देतो' नाशिकच्या नव्या 'खरात'ने आईवरच केले अत्याचार

आरोपीचं रवींद्र गणपत एरंडे ( वय ६३) विरोधात पीडितेनं सातपूर पोलीस स्टेशन इथं संपर्क साधून तक्रार दिली आहे. एरंडेनं पीडित महिलेच्या मुलास सरकारी नोकरी लावून देतो तसंच पीडित महिलाचा गैरफायदा घेऊन पीडित महिलेला 'तुमचं भविष्य उज्ज्वल करून देतो' असं आमिष दाखवून तिच्यावर नाशिक तसंच इगतपुरी परिसरातील विविध हॉटेलवर घेऊन जाऊन वारंवार लैंगिक शोषण केलं. आता खंडणी प्रकरणातील फिर्यादी संशयीत रविंद्र एकनाथ एरंडे याच्या विरुद्ध सातपूर पोलीस स्टेशनमध्ये गुन्हा दाखल करण्यात आला आहे. रवींद्र एरंडेलाा अटक करण्यात आली आहे.

प्राथमिक माहितीनुसार, दोन दिवसांपूर्वी हार्ड डिस्क चोरी झाल्याची तक्रार सातपूर पोलीस ठाण्यात दाखल करण्यात आली होती. तपासादरम्यान ही हार्ड डिस्क कार्यालयातीलच कर्मचाऱ्याने चोरल्याचं उघड झालं. चोरीनंतर हार्ड डिस्कमधील सुमारे १०० हून अधिक आक्षेपार्ह व्हिडिओंच्या आधारे संबंधित व्यावसायिकाला ब्लॅकमेल करण्यात येत असल्याचे समोर आले. या प्रकरणात पोलिसांनी कारवाई करत चार संशयितांना ताब्यात घेतले असून, त्यांच्या ताब्यातून दोन पेनड्राईव्ह आणि मोबाईल जप्त करण्यात आले आहेत. सुरुवातीला १० हजार रुपयांची मागणी करणाऱ्या संशयितांनी नंतर ही रक्कम वाढवत १२ लाखांपर्यंत नेल्याचेही तपासात निष्पन्न झाले आहे.

दरम्यान, जप्त हार्ड डिस्कमध्ये २००३ ते २०२४ या कालावधीत तयार करण्यात आलेले १२१ हून अधिक महिलांचे आक्षेपार्ह व्हिडिओ आढळून आल्याची प्राथमिक माहिती समोर आली आहे. त्यामुळे या प्रकरणाचा तपास अधिक व्यापक करण्यात आला आहे.