सुनेत्रा पवारांचा एक फोन आणि शिवसेनेत सूत्रं फिरली, उद्धव ठाकरेंच्या बैठकीत मोठा निर्णय

मुंबई : अजित पवार यांच्या निधनानंतर बारामती विधानसभेची पोटनिवडणूक बिनविरोध करण्यासाठी महायुतीकडून प्रयत्न सुरू आहेत. मात्र काँग्रेस पक्षाने उमेदवार देण्याचा पवित्रा घेतला आहे. उद्यापर्यंत उमेदवाराचे नाव घोषित करू, असे काँग्रेस प्रदेशाध्यक्ष हर्षवर्धन सपकाळ यांनी सांगितले. अशावेळी राष्ट्रवादीच्या उमेदवार, राज्याच्या उपमुख्यमंत्री सुनेत्रा पवार यांनी महाविकास आघाडीतील प्रमुख पक्ष असलेल्या शिवसेना पक्षाचे प्रमुख उद्धव ठाकरे यांना फोन करून पाठिंबा देण्याचे आवाहन केले.