मुस्लिमांना जवळ करा, राष्ट्रवादीची मुस्लीम व्होट बँकेवर नजर, दत्तात्रय भरणे यांच्या कार्यकर्त्यांना सूचना

विरेंद्रसिंह उत्पात, प्रतिनिधी, सोलापूर : आगामी स्थानिक स्वराज्य संस्थांच्या निवडणुकीसाठी भाजपाच्या हिंदुत्ववादी मतांसोबत महायुतीला मुस्लिम मतेही मिळावीत. यासाठी अजित पवारांच्या राष्ट्रवादीने मुस्लिम समाजाला जवळ करण्याचा प्रयत्न सुरू केला आहे. यातून महायुतीत हिंदुत्ववादी पक्षासोबत अजित पवारांच्या माध्यमातून मुस्लिम मतांची बेगमी मिळविण्याचा प्रयत्न होत आहे. विशेष म्हणजे राष्ट्रवादीचे आमदार संग्राम जगताप हे मुस्लिमविरोधी वक्तव्ये करून राज्यभरात हिंदुत्वाचा प्रखर चेहरा म्हणून समोर येत असताना राष्ट्रवादीकडून त्यांना केवळ समज दिली आहे, असे सांगण्यात येते.